იწვევს
კი ვინმეში ეჭვს ის ფაქტი, რომ ინტერნეტის გამოჩენამ უდიდესი იმპულსი
მისცა ადამიანების ურთიერთობას და მათ დაახლოებას? წარმოიდგინეთ 16 წლის
ბიჭი, სახელად გიო, თბილისიდან, რომლის „ახალი მეგობარი გოგონა“, ასევე,
16 წლის, რეიჩელი სამხრეთ კაროლინაში იმყოფება.ისინი ერთმანეთს ვერ
‘’გაიცნობდნენ ინტერნეტის გარეშე.. მოდით, ვნახოთ, რა წვლილი შეიტანა
ინტერნეტმა ურთიერთობებში.
კვლევებმა აჩვენეს, რომ ინტერნეტის
მომხმარებელთა ყველაზე აქტიურ საქმიანობას სოციალური ურთიერთობები
წარმოადგენს. ინტერნეტის დაახლოებით 4100 მომხმარებლის გამოკითხვამ
ცხადყო, რომ მათი 90% ინტერნეტს ელექტრონული ფოსტისთვის იყენებდა, 24% კი
ე.წ. „ჩატში“ მონაწილეობს (ნი & ერბინგ, 2000). სხვა კვლევა აჩვენებს,
რომ ურთიერთობათა დიდმა რაოდენობამ კიბერსივრციდან ფიზიკურ სივრცეში
გადაინაცვლა. განვიხილოთ კვლევა, რომელშიც 568 ინდივიდი მონაწილეობდა (59%
ქალი და 41% კაცი). მათ სთხოვეს, რომ ერთმანეთისთვის ინტერნეტით ახალი
ამბები გაეგზავნათ. ამ ჯგუფის წევრების 63% ინტერნეტით გაცნობის შემდეგ
სატელეფონო ურთიერთობებზე გადავიდა, 54% კი ინტერნეტით გაცნობილ
პიროვნებას შეხვდა. ორი წლის შემდეგ ჩატარებულმა გამოკითხვამ აჩვენა, რომ
ინტერნეტით დამყარებული ურთიერთობები ისევ მყარი იყო. ფაქტობრივად,
შერჩევის 15% დანიშნული იყო, 10% კი _ უკვე დაქორწინებული
ინტერნეტ-პარტნიორზე.
ადრე აღვნიშნეთ, რომ სიახლოვე მოწონების ერთ-ერთი
მნიშვნელოვანი შემადგენელია. აუცილებელია, რომ ადამიანს შეხვდეთ, ვიდრე
თქვენს შორის მოწონება ან რომანტიული ურთიერთობები ჩამოყალიბდება. ზემოთ
განხილული კვლევები აჩვენებს, რომ გეოგრაფიული დაშორებულობის მიუხედავად,
ინტერნეტი ფსიქოლოგიური დაახლოების კარგ საშუალებას იძლევა. ფაქტობრივად,
არსებობს მონაცემები, რომ ინტერნეტის საშუალებით ურთიერთობები უკეთ
იწყება, ვიდრე პირისპირ .
მკვლევრები ფიქრობენ, რომ ინტერნეტით
დაწყებული ურთიერთობა მონაწილეებს საშუალებას აძლევს, ნაკლებად მოექცნენ
გარეგნობის გავლენის ქვეშ. უფრო მეტიც, ინტერნეტის დროებითი ანონიმურობა,
როგორც ჩანს, ამხნევებს ადამიანებს, უფრო მეტად გახსნის შესაძლებლობას
აძლევს მათ, რაც უფრო მეტად აძლიერებს მოწონებას.
მეცნიერთა
ყურადღება მიიპყრო იმ ადამიანების ცხოვრებამ, რომელთა მიერ ინტერნეტის
გამოყენების სიხშირე ამცირებს მათ აქტივობას რეალურ ცხოვრებაში . თუმცა,
ზემოთ მოცემული მაგალითები გვაფიქრებინებს, რომ ინტერნეტი, შესაძლოა,
ადამიანთა დიდი ნაწილის სოციალურ და რომანტიკულ ცხოვრებაში დადებით
მამოძრავებელ ძალად ჩაითვალოს.
თუმცა არ უნდა დავივიწყოთ,რომ
ინტერნეტით ნაცნობობა რეალურ,ცხოვრებისეულ ნაცნობობას ამცირებს და
ადამიანები ხშირად ინტერნეტ-სივრცეს ვეღარ სწყდებიან.
